Hsllo vriende

Ek het gister rondgery en geskenke afgelewer by my vriende, alles klein oedjies wat ons het oorgeengekom om niks groots vir mekaar te gee nie.  Dis tog maar die gedagte wat tel.

My eerste stop was by my vriendin Jeanine.  Ek wou regtig net instap, aflewer en weer ry.  Toe is van haar familie wat lankal uit Walvis getrek het daar en daar loop dit op 'n groot kuier af.  Ek is half 4 eers daar weg, maar dit was lekker.  Die volgende twee was vinnig en maklik, maar toe ek by Hannelore kom, toe sit ek weer.  Ons kan nooit 'n kuier laat verbygaan nie, al belowe ons mekaar dis net 5 minute.
Ek het eers 6 uur by die huis gekom.

Vanoggend moes ek toe nog 3 draaie ry voor alles afgelewer was. Maar dis onmoontlik om in die dorp te probeer winkel toe gaan.  In die eerste plek is daar nie parkeerplek nie en tweedens is die strate nie so gebou dat dit soveel verkeer kan vat nie.  Van nou af vermy ek die dorp.  Net Spar toe en terug en hulle het ook niks op hulle rakke nie.  Ons sukkel om brood en melk te kry en ook vleis, veral hoender.  Ek het nog 'n paar kruideniersgoed wat ek moet koop, maar ek het 'n idee ek gaan dit nie in die hande kry nie.  Ons sal maar daarsonder moet klaarkom.

Ek lees nou weer To kill a Mockingbird, sodat ek net soveel as Renate verstaan wat daar aangaan vir volgende jaar.  Dis haar voorgeskrewe boek en ek weet sy gaan baie vrae vra.

Vandag was die weer mooi en  lekker en Saterdag gaan Renate na 'n Beach Bash toe.  Die kaartjies het nogal r150 gekos.  Hoop hulle het lekker goed vir die kinders om te doen.  Sy en 2 vriendinne gaan saam.

Nou ja, julle moet 'n lekker aan he
Groetnis
Theresa