Liewe Vrinne

Ek het nie gisteraand geskryf nie, want ons het eers half elf van ons ete af gekom, en toe is ek te moeg.

Ek, Hannelore en Lola het heerlik gekuier en land en sand  aanmekaar gesels.  Toe ons sien is dit al so laat.  Dit was voorwaar 'n lekker kuier met ou vriende.  Ons het besluit ons gaan dit nou meermale doen sodra Lola van London terugkeer.  Sy gaan vir haar seun kuier en ook haar kleindogter.  Op die foto's lyk dit soos die oulikste ou dingetjie.  Ons sal seker nog meer foto's moet kyk as sy terugkom.

Vanoggend het ek, Elfi en Renate ons laaste kersinkopies gaan doen en kersfeespapier gekoop. Nou kry jy my nie gou weer in die middeldorp nie.  Dis net mense en taksi's waar jy kyk en van parkeerplek is daar nie sprake nie.  Maaar gelukkig is ons geskenke gekoop en sommer vanoggend toegedraai ook.

Dis vandag 'n jaar terug wat Hannelore se man oorlede is en ek het haar gaan haal om saam met my koffie te gaan drink.  Net dat sy nie so alleen die hele middag sit nie.  Ons was tot 4 uur weg, waarna sy 'n ent gaan stap het en vanaand kom haar ander vriendinne met wyn en eetgoed kuier.  So sal hierdie hartseerdag vir haar ook verbygaan.

Dis vanaand pizza-aand hier by ons en Theo en Elfi het gou gery om vir ons pizza's te gaan kry.

Mag julle almal 'n lekker aan verder he

Groetnis
Theresa