Liewe vriende

Ek het die laaste paar dae nie geskryf nie omdat hier nie iets noemenswaardig gebeur het nie. Ons het maar rond gele en tv gekyk en gelees, dis eintlik nog steeds so. Ons geniet die vakansie gate uit.

Gister het ek die yskas uitgepak en skoon gemaak en van al die ou goed ontslae geraak. Dis een ding voor kersfees afgemerk. Vandag wou ek die kersboom opslaan, maar ek het eers my hare gaan sny en daar so geval dat my hele linkerhand nou verstuit is. Ek het eers gedink dis gebreek, maar Theo se dis net verstuit. Alhoewel ek moet se my vingers voel of hulle almal verstuit is. Hopelik word dit gou beter.

Vanoggend half 9 is Renate al uit die huis uit om 'n tafel in Probst te gaan versier vir 'n maaitjie se verjaarsdag. Sy't vandag verjaar en hulle wou vir haar 'n verassingspartytjie reel. Dit klink of hulle dit baie geniet het.

Verder het ek nie nog nuus nie en sal weer skryf sodra daar iets is om te vertel.

Groetnis
Theresa