Liewe Vriende

Vandag het ek regtig geen nuus nie.  Ons het almal laat gele vanoggend en  lui teen 10 uur se kant gaan stort en aantrek.

Daarna het ons 'n paar episodes van Masterchef SA gekyk tot nou.  Tussendeur het ons hamburgers geeet, wat nogal baie lekker was.

Theo het ook so 'n rukkie geslaap, want die afgelope week was weer erg met baie na-uurse roepe.  Gelukkig is hy nie die naweek aan diens nie en kan dus lekker rus, maar volgende naweek is dit weer sy naweek wat hy vir die hospitaal werk, en dis baie nagroepe.

Ek sien vreeslik uit na my groot kinders se kuier.  Ek wil hierdie week die kersboom opslaan en kyk of daar dalk 'n tydjie is om Lebkuchen, 'n Duitse koekie, te bak.  My seun is mal daaroor.  Mens kry die speserye vir dit nie maklik in die hande nie, maar 'n Duitse Vriendin van my in Duitsland het vir my daarvan aangestuur.  Dit proe soos 'n gemmerkoekie, net met baie meer speserye in en dis sag.

Julle moet 'n lekker aand he verder

Goedheid en Guns
Theresa