Liewe Vriende

Vandag is 'n droewige dag hier by ons.  Elfi se Bearded Dragon het die tydelike vir die ewige verlaat en daar is geen salf te smeer aan haar hartseer nie.  Sy het hom gekry toe hy nog gaie klein was, kleiner as haar handpalm en sy het hom met meelwurms gevoer tot hy groot genoeg was om self te eet en te drink.  Hy was nou al meer as 30 cm lank en mooi sterk.  Eergister het hy begin siek word.  Ons het als probeer, maar tevergeefs

Verder is ons maar hier by die huis en doen die sleurtakies wat altyd agterwee bly.  Theo het sy kar se nommerplaat wat afgeval het, weer vasgeplak,  ek vat hier en daar om als vir die kinders se koms voor te berei.  AL wat eintlik nog gedoen moet word is dat die beddens skoon linne oorkry en ek skoon handoeke uithaal.  En dan kan hulle maar kom.  Hulle ry more vroeg uit die Kaap uit weg en slaap in Keetmanshoop oor.  Hopelik is hul Maandagmiddag so 1 uur hier as die diere hulle goed gedra en as dit by die grenspos vinnig gaan.  Daar kom 'n hondjie en 'n katjie saam

Vanaand sal ons 'n fliek of twee kyk en dan gaan slaap.

Rustige dag vir julle verder
Groetnis
Theresa