Liewe Vriende

Vandag het ek niks te vertel nie, dus plaas ek 'n gebed wat ek 'n ruk terug geskryf het.

01GEBED  

Heer

Ek wil nou, vandag 

wees soos die kokerboom.

Laat my groei en

standvastig wortelskiet,

sodat ek kan  uitstaan 

as 'n baken van u standvastige liefde

in hierdie dor en verlate

woestynlandskap...

Asseblief Here,

laat ek vandag hier

 'n olyfboom wees -

Immergroen en taai.

Gee dat my takke en blare  

as vredesoffer vir baie sal dien.

Heer

maak my ook soos die vyeboom.

Laat my lang lugwortels

aan my geliefdes vasgroei,

hul omarm en ondersteun,

sodat hul van my soet vrugte kan eet

en in my skadu kan skuil.

Maak my Heer

vandag so lewenskragtig

soos 'n kremetartboom,

sodat U liefde steeds

binne my sal floreer en bly groei,

al is ek uitgbrand

en soms van binne hol...

Grietnis

Theresa