Liewe Vriende

Vandag was weer Dinsdag en dan het ek mos nie 'n bediende nie.  Ek en Efli het so bietjie aan die kant gemaak , maar verder het ons net gecill.  Hoeveel kan 2 mense nou in 'n oggend, en 3 in die middag nou  deurmekaar maak.

Ek het darem vanoggend weer 'n bevlieging gekry om te dig en 'n paar gediggies het daaruit voortgevloei.  Daar moet egter nog baie geskaaf word,voor dit publiseerbaar is.  Vanmiddag het ek gelees en so tussendeur na 'n fliek gekyk wat Elfi eintlik besig was om te kyk.  Renate het geleer, maar die ame kind het mangelontsteking en sy is koorsig en voel regtig nie lekker nie.  Hoop dit gaan more goed  haar Wiskunde toets en die Afrikaanse toets wat hulle gister geskryf het.  As hulle afwesig was vir 'n toets moet hulle dit eenvoudig op 'n later dag skryf.  Dis ook goed as jy dalk in die eksamen 'n glipsie kry,  dan het jy darem die kwartaalpunt.

Nou het ek nie verder nuus nie.

Lekker aand vir almla

Theresa